康華疫市睇盤收料等出擊

有樣有身材的康華唔靠男人，靠個人本事買樓揸手！

48歲的康華於1994年參選港姐入行，加入無綫後拍劇無數，曾演出不少第三者角色，故有無綫「御用情婦」之稱，但她曾坦言因這個「美譽」而斷送兩段談婚論嫁的感情：「男方家人因為我嘅形象而睇我唔起，最後我哋分開咗。」至今仍然單身的康華因過去的經歷，決心爭氣不靠男人，多年來慳儉生活，在內地賺的「人仔」統統投資磚頭，2012年曾購入荃灣朗逸峯兩個單位並打通，當年市值逾2,300萬，可謂圈中小富婆。

實地考察搵經紀

由於疫情籠罩本港，加上中美關係緊張，不少樓市分析專家都認為業主減價求售，對買家而言是置業良機。向來投資有道的康華就瞄準「疫」市樓價，日前走訪將軍澳新樓地盤，去附近地產代理睇放盤資料，流連了一個多小時。她與地產經紀滔滔不絕，之後就上車寫低資料，似乎已睇中心水，做足功課準備入貨！

康華昨日受訪時回應：「只係放工經過，睇吓環境，了解吓市況，依家疫情開工唔穩定、冇收入，邊有錢買樓呀？哈哈……只係鍾意學多啲經濟投資，睇多啲新舊樓盤，做多啲功課做對比，希望增長呢方面知識，努力做嘢，以後環境好先諗啦！」

睇完一輪，康華同地產經紀密密斟。

康華在新盤附近游走，睇清楚環境配套。