顏子菲撲返港開工好夢成空！
藝人顏子菲突然「失蹤」近半年，原來飛返加拿大探親兼避疫，但這段日子幾近零收入，難怪當7月接獲兩項工作通知，隨即急忙出機票飛返香港，最終卻空歡喜一場：「第一個工作預算8月初舉行，咁我計番要隔離14日，咪即刻執行李上機囉！點知落機開番通個電話，兩個工作都全部取消，上機同落機心情簡直係兩個世界！」
提到今次加拿大之行，子菲坦言改變了人生觀：「以前我好似海膽咁『起晒弶』，拒絕其他人嘅善意，但今次返去成日陪屋企人，又有機會見番識咗好耐嘅朋友，內心感覺竟然唔同晒！有啲朋友知道我喺香港『捱』，成日請我食飯，又畀建議我話大家合作做生意，我都冇再拒絕，飛返嚟前爸爸畀咗筆錢我傍身，我都接受咗。」她坦言疫情下不知積蓄「搣得幾多個月」，故積極考慮友人提出合作搞生意：「佢哋話可以開健身室畀我教班，又或者搞飲食，如果真係發展得唔錯，可能都會將重心轉移返加拿大。」