森美得閒無事擔心搞出人命
森美與黃翠如昨日現身新劇宣傳活動，期間森美向翠如催生BB，又自言因疫情而賦閒在家，擔心與太太再次搞出人命，所以要令自己忙起來。他透露與翠如在劇中雖沒有愛情線，但就有大量「嘴」戲。
藝人森美、黃翠如與江嘉敏等昨日宣傳無綫新劇《過街英雄》，森美笑言太太經常向他追問翠如何時會生小朋友，翠如以疫情為由而推搪，森美並以自己為例：「我個大仔都係2003年沙士嗰陣出世！」翠如即指跟老公蕭正楠都先後有劇開拍而沒時間造人，森美搞笑說：「兩個忙係難啲！好似我哋兩公婆其中一個冇嘢做，所以我近排即刻搵啲嘢做吓，依家宣傳新劇，燃起工作熱情，唔係坐喺屋企又生仔o架喇！日日生都好悶！」問到翠如會否怕冇工開要生仔？她笑說：「係開心事，唔使怕。如果之前休息嗰兩年結咗婚，我已經生咗，我唔抗拒生。（唔怕身材走樣？）從來冇嘢露，我性感都冇人想睇！」
江嘉敏扮嗲精 被嘲似男人
講番新劇，森美稱兩人沒有任何愛情線：「可能係無綫第一套男女主角冇愛情線嘅喜劇！不過我哋好多咀戲……係鬥嘴！」對於有傳因政見而被抽劇，問到會否擔心影響收視？他樂觀地說：「唔驚！冇所謂！依家呢個世界唔知個結果係點，可能因為呢種宣傳而更多人睇。」
至於江嘉敏以熱褲騷腿上陣，講到劇中有性感演出，她竟自嘲：「都冇谷胸，真係冇乜睇頭！對我嚟講係性感，件衫粒鈕差不多開到肚臍，講我教翠如點樣去嗲男人。（你強項？）唔係！我唔嗲人！呢場戲係我人生中最多NG一次，導演話我似一個男人去扮女人。」問到拜金女一角是否為她度身訂造？她說：「監製想我做啲未演過嘅角色，我同劇中家人都好賤格，但賤得嚟可愛唔討人厭。」