渡邊直美：日本諧星渡邊直美尋日現身戲院，宣傳同萬人迷木村拓哉聲演嘅《多啦A夢》最新電影版《大雄的新恐龍》。身形圓碌碌嘅佢特登襯晒衫登場，着藍白色連身裙，頸上掛住鈴鐺，仲紮埋藍色髮髻，畀女主播弘中綾香笑佢同多啦A夢似足雙胞胎！
渡邊直美搞笑自爆最初收到劇本嗰陣，仲以為電影公司想搵佢演出真人版！