黃婉曼食肆生意差返無綫搵錢養員工

2010年她離開無綫後嫁人及誕下兩女，近日為myTV SUPER主持新節目《搬家》。對於再入電視城錄影廠，她說：「生完兩個小朋友都幾年，一路好懷念背稿、訪問嘅日子，今次咁啱佢哋搵我，節目關於移民，呢個題材好多人關注，我都好想知道多啲呢方面嘅資訊，所以覺得可以試吓！而且今次係一個訪問節目，覺得幾適合。其實我讀大學時已經有研究，如果去澳洲移民讀乜嘢科較好。我幾鍾意澳洲，不過如果移民，都會同好多媽媽一樣，以小朋友教育為大前提。」

「新同事細細個睇我」

她笑言今次「出山」的酬勞僅屬抗疫價，問到是否幫補餐廳養員工？她直言：「呢句真！」又指好掛住舊同事和無綫Canteen的咖啡，笑言一日可以飲3杯：「有搵新聞台舊同事打招呼，有啲新同事見到我，話細細個睇我報天氣，佢哋係攝影師，原來我好似上一代人。」她坦言初時擔心記憶力變差，反應不夠快，幸好沒有生疏，又稱不排除再與無綫合作。