馮盈盈𥄫仔有壓力冇啖好食瘦晒

馮盈盈笑言性感演出交給男拍檔。

馮盈盈、王浩信、張振朗、高海寧及湯怡等，昨日為無綫新劇《反黑路人甲》宣傳，為配合劇情，眾星分成三隊「拉票團隊」，使出渾身解數為「龍頭」之位拉票，之後又一齊舞龍，場面熱鬧。

被取笑「三傻」

劇中演反黑組的盈盈，與下屬王浩信及張振朗有不少對手戲，由於經常三人行，被監製取笑為「三傻」。問到有否性感演出？她笑言交由男士派福利，並讚兩位拍檔操得好弗，有不少騷肌場面，問到可有睇到流口水？她說：「冇！不過有壓力，所以拍嗰排注重飲食，晚餐只係食生果同飲湯，最多有個飯糰，所以觀眾會睇到我愈來愈瘦。（今次拍劇有冇被導演鬧？）冇，大家合作好開心，仲體會到喜劇比正劇要演得更認真。」

王浩信（左）與張振朗於新劇繼續「HeHe」。	眾星表演舞龍，場面熱鬧。	湯怡落力宣傳新劇。

張振朗認「無聊底」

至於王浩信與張振朗再度合作玩「Hehe」，王浩信笑言近年與監製林志華合作，必定有「HeHe」場面，指對方挑戰其底線。張振朗則自認是「無聊底」，相信觀眾會睇得開心。對於被取笑是無綫劇的「HeHe代表」，張振朗笑言：「絕對前無古人，後無來者。」王浩信卻無奈稱：「可以咁突破，繼續落去都真係創先河，希望大家笑吓啦！」提到他於劇中艷福無邊，與馮盈盈、高海寧、湯怡及蔣家旻均有感情線，他笑言今次主要與張振朗談情，其他女角只是霧水情緣。