張文慈為粒糖搞到破相
張文慈（Pinky）每提起童年，總說回憶「有唔開心」，不過小朋友思想單純，簡單一件事已可教她樂足半天：「好記得我好為食，屋企冇靚糖食，我就連沙糖、片糖都唔放過，有時食到一粒都冇，就畀屋企人鬧。有次農曆新年我又偷全盒啲糖，攞張櫈仔幫手，點知都係唔夠高，跌咗落地『破相』，下巴條疤跟到我依家。」
男仔頭性格的她試過盪鞦韆跌到「成腳血」，更試過差錯腳踩爛家中的踎廁，幸好全部有驚無險。回顧童年種種，Pinky說：「當時屋企冇乜錢，所以我第一條擁有全新嘅裙，都係自己用利是錢買嘅，買到真係好開心，覺得好靚囉。」儘管童年並不富足，Pinky卻沒有怨天尤人，長大後與家人關係更見良好，目前最大心願是每年都能夠「帶着爸爸去旅行」，孝心十足。
