梁芷珮「疫」境密密執穩袋50萬

憑旅遊節目《潮什麼》系列成功入屋的梁芷珮（Christy），近日竟然「疫」流而上，以六位數字酬勞擔任美容院代言人，她日前換上白色吊帶裙進行拍攝，既露出強勁事業線又晒美腿，展現女神一面，她坦言為此造型已減肥一段時間：「為咗呢個廣告，籌備咗接近兩個月，每日都食營養餐，希望着衫好睇啲，加上冇得去健身室做Gym，惟有落街跑步。」
梁芷珮坦言過去半年賺的錢，足夠全家一年的使費。
梁芷珮坦言過去半年賺的錢，足夠全家一年的使費。

網上跳入公仔箱

談到在「疫」市仍然有工開，Christy非常感恩，又透露連帶早前接拍的廣告，短短半年間已進帳半百萬港元，足以應付一家五口的全年開支，亦比去年增加近五成收入，她說：「之前都係拍網上廣告多，但今年接咗電視廣告同代言人，真係第一次，呢個時勢真係好感恩有工開。（筆錢會點用？）當然儲錢先啦！我哋做藝人嘅，今日唔知聽日事，所以儲起佢慢慢用，加上我有三個小朋友，點都要慳住使。」

化身女神的梁芷珮，大晒事業線。
  • 化身女神的梁芷珮，大晒事業線。