港姐侯嘉欣飛布拉格追星
三位港姐佳麗范倩雯、陳楨怡及侯嘉欣昨晚與藝人洪永城（Tony）作「我和港姐有個約會」網上直播，四人隔空打邊爐，邊吃邊談。佳麗穿得相當優雅，穿吊帶裙的侯嘉欣低胸夾出三吋多事業線，十分養眼！原來她是周杰倫的Fans，更從手機Show了於布拉格拍攝的照片，直指當時因追星而到該地：「周杰倫之前喺度拍MV，所以我喺同一位置影相留念，想同佢有多啲共同畫面，佢喺英國每場演唱會都有睇。」
問到旅行靈異遭遇，三位都表示沒有，Tony說：「搞錯呀！英國冇Ghost（口架）咩？」陳楨怡指去露營或旅行，媽咪會給她一包粉，側邊有「嘢」會變味，Tony說：「色魔算唔算？會變咩味？」她又澄清收兵傳聞：「大家都係朋友，五隻手指數得晒。（網上成日都有啲名牌？）我有個家姐同妹妹，買番嚟嘅嘢都Share。」
洪永城尷尬語塞？
洪永城事後被問不時語塞是否很尷尬，他說：「我覺得差罐啤酒呀！」他又讚三位高貴，范倩雯較主動，問到侯嘉欣騷身材有否吸引到他？他笑說：「我專注海鮮、和牛。」被指性感的侯嘉欣笑稱只剩下這條裙，說到之前指與男友面臨分手邊緣，她坦言心情有影響，問是否被飛？她說：「唔覺得我畀人飛，係好唔捨得，佢依家喺北京，選完先再算。」而陳楨怡被問到服裝會否較輸蝕，她說：「唔覺得，今次要求端莊啲。（即係人哋唔端莊？）唔係呀！我自己揀露肩，驚食嘢時走光。」
