姜濤出關夜蒲速撻台灣辣妹

姜濤早前飛往台灣拍劇，大前日終於完成14天隔離，但昨日有讀者爆料指他出關後竟去夜蒲溝女，更炮轟他「拍劇為藉口，食女才是真」！大爆姜濤蒲完夜店後，發現他在社交網追蹤一位名為Queena的女子，而女方亦有追蹤他，Queena更興奮地在社交網直呼：「我直接被一個香港明星貼，會不會太爽，又帥又高！」兩人一來一往，疑似打得火熱。Queena的社交網頭像相是位妙齡少女，當中有大量不同的造型照，一時紅頭髮，一時換了銀髮，形象百變。

被踢爆後即取消關注

被踢爆「食女」事件後，姜濤隨即取消對Queena的關注，相當快手！他受訪時解釋誤以為對方是粉絲：「尋晚做完嘢，台灣工作人員叫我哋去飲嘢，我坐埋一邊，有個女仔行埋嚟，我開頭以為佢係我Fans，仲好開心台灣都有粉絲，點知傾咗幾句先知佢唔係，佢當時叫我Follow佢社交網，喺現場唔好意思推就Follow咗，事後覺得唔識人就Unfollow番，坐多一陣就返咗酒店。」及後上載兩張黑色背景，留言表達心情：「無聊」、「無奈」。

而其經理人花姐則十分信任對方：「咁好笑，佢一定做唔到，助手24小時陪住佢，尋晚先同劇組監製打邊爐。（食女喎！）我覺得唔會，佢平時一見女仔就怕醜。（姜濤鍾意咩類型？）可愛型。」更指姜濤工作行程忙碌，故應無暇溝女。