政府將禁聚令收緊至不可多於二人聚集，有3位成員的組合天堂鳥（BOP），在社交平台笑稱「被迫解散」！Gordon笑言幸好在政策收緊前，齊人到無綫錄影：「依家當休息吓先，因為好多工作都延期。」Lincoln則坦言健身教練工作大受影響：「因為健身室、運動場都關門，就算我平時都係一對一訓練，但冇地方可以做，對我收入好大影響！」而Tyrese打算趁機打理園藝：「我個人好悶得，可以全日對住啲花花草草，之前試過連續6日冇出過門口。」
