出身於名門望族嘅女子，會被形容為掌上明珠，而且唔會隨便出嚟拋頭露面，不過咁又唔係必然喎！最近就有一位系出名門嘅美人兒拍攝性感水着寫真，賣弄誘人身段，佢就係團遙香喇！
日本寫真界有好多令人驚艷嘅美人兒，同時佢哋擁有令男人又驚又喜嘅火辣身材，驚訝佢哋胸前對巨乳大又堅挺，卻係出於天然無添加，同時纖瘦婀娜，正常男人見到一定會硬朗起來啦！而最近勇闖寫真界嘅團遙香上圍雖然唔算激凸，但係一樣有能力令男人喜出望外。
今年27歲嘅團遙香嬌艷動人，雙眼水汪汪兼電力十足，笑起上嚟又帶少女天真感覺。團遙香嘅清麗氣質罕見，身材同樣難得一見，夠晒纖巧薄身，令本身對C奶顯得更為突出，不過最吸引嘅都係一身透明感超群嘅淨白美肌，白到直頭反晒光！
團遙香喺2010年活躍藝能界，而最為人熟悉嘅就要由佢2013年主持電視台晨早資訊節目《ZIP！》開始講起喇，當時佢清麗嘅面孔以及治愈力十足嘅笑容令觀眾為之着迷，後來有好多人留意到佢嘅上圍相當豐滿突出，甚至有唔少日本網民經常研究佢主持節目時咪咪嘅搖晃程度，可見觀眾對佢幾咁留意。
今年初團遙香結束7年嘅主持生涯，隨後向寫真界發展，終於令觀眾有機會欣賞到佢嘅誘人身段。加入寫真界後，遙香獲得「珍珠之孃樣」稱號，除咗肌膚白滑剔透之外，亦因為佢系出名門！遙香好多親戚都係企業家，父親亦係知名建築師，曾祖父做過參議院議員，同日本前首相鳩山由紀夫仲係遠房親戚添！正因為遙香身份顯貴，所以就被人用珍珠嚟形容喇！
團遙香喺社交網中經常會透露自己各種消息，更會分享生活點滴，當然唔少得自拍性感照，想了解佢多啲嘅話，就要Click入去睇吓喇！
網址：https://ameblo.jp/dan-haruka/
年齡：27歲
身高：5呎4吋
三圍：34C-23-35
撰文：賢