林鈺洧爆性史被「持久男」反到暈！
藝人林俊賢的女兒、以43吋長腿及34C「胸器」殺入娛樂圈的林鈺洧，在一連兩集由歌手林二汶主持的ViuTV節目《對號入座》中「大解放」！談到各星座的「好性」指數，她眉飛色舞地自爆性史，並「賽後分析」對手的床技，迅即成為網民熱話，被封新一代「性女」！
收下體相即撇
自爆有過5位性伴侶的林鈺洧表示，曾跟一名巨蟹座男士約會，但對方突然傳來一張下體相，嚇得她劃清界線，不再來往，她說：「其實我好鍾意佢，我暗戀嘅都係巨蟹座，但佢做咗一樣嘢令我唔覆佢。佢凌晨4點幾Send咗張下體相嚟，我問佢發生咩事，佢話只係想同我講早晨，仲問我覺得點，我咪話『幾好呀』咁囉！」
談到進行性事的速度及持久力，她大爆有位男友連褲都未除就「完事」，又透露曾與天蠍座性伴床戰，驚訝對方持久力驚人！她說：「佢唔止靚仔高大，喺床上有好多招式又持久，如果要同天蠍座嘅男仔發生關係，係需要好大體力，佢會將你反嚟反去，翻天覆地咁，流晒汗，好暈！」