龔嘉欣見財化水孖祥仔𢱑Job幫補

藝人黎耀祥、龔嘉欣、高海寧與吳業坤等，昨日在電視城宣傳《殺手》，劇集第16集的7天跨平台總收視有31.3點，即逾200萬人收看，下周五將播映大結局。席間眾人進行體能比試，當中高海寧身穿露腰裝玩呼拉圈，十分吸睛！

祥仔與嘉欣受訪時表示滿意收視，祥仔說：「口碑最重要，大家覺得套劇好特別，睇到演員唔同嘢。」嘉欣亦揚言辛苦都值得，希望可以再合作，祥仔即和應：「前傳又得，延續又得，殺手可以做嘅嘢好多，作為一個系列都得！」劇集出街本可帶來很多工作機會，但疫情下見財化水，嘉欣說：「本身有啲剪綵同宣傳，但都取消或延期，反而多咗網上廣告。（可以補貼番？）絕對係！」並提議與祥仔以「殺手檔」接網上工作，祥仔即說：「好，我呢排冇咩做。」

吳業坤難覓「床伴」

同場的坤坤投訴冇床上戲，笑言想試拍，問到希望對手是誰？他環顧一周後抵死說：「揀唔落手。」對於祥仔想拍續集，他說：「好喎！可以整個我嘅外傳。」提到他入新唱片公司不久，師姐JW就宣布離巢，他亦感愕然，希望有機會再合作：「難得係朋友又零緋聞，冇顧忌。（佢因為你而走？）梗係唔會，我邊會動搖到佢嘅心！」問對方是否為結婚而走，他說：「唔知喎！希望佢會派帖畀我啦！」