江嘉敏曾網購一件上身是T恤款的連身泳衣，收貨後因下身剪裁有問題而不能穿上，她笑說：「諗住剪開佢，令佢上下分開後先着，但都係唔OK。」並指最失敗的網購經驗是被人走數：「之前上網買口罩、洗手液等防疫用品，交換晒電話約交收，點知後尾佢叫我去第二間買，話冇貨畀我，仲唔見咗人，損失咗3,000幾蚊！」
蔡嘉欣就曾網購一張地氈，打算鋪在家門，豈料收貨後發現實物大得驚人：「真係可以放喺花園用，成道門咁大！最後屋企真係冇位擺，轉贈咗畀朋友。」至於衛志豪曾在網上買電話套，等了足足9個月才收到貨，他笑說：「不幸中之大幸總算用到，為咗呢個套，我決定唔換電話！」