藝人黃翠如、連詩雅與Yoyo因拍電視劇《那些我愛過的人》而成為好姊妹，對於Yoyo今次誤墮網騙，翠如昨日接受訪問時坦言昨日凌晨得悉此事，有與Yoyo電話聯絡，翠如說：「其實係恐怖嘅，佢都好擔心，因為對方唔單只攞咗佢account，仲拍咗一啲片，不過我睇唔到，因為我嘗試入去想舉報，佢已經限制咗話99歲以上嘅人先可入去睇，暫時入唔到去。我知Yoyo同社交網官方嗰邊聯絡咗，希望可以盡快處理到，我都有一路問住佢個情況。」
而連詩雅受訪時亦表示知道事件：「呢種賺錢手法非常低劣同不能原諒！」並表示希望相關社交網官方團隊盡快幫Yoyo取回帳戶。至於有否遇過類似事件？連詩雅即表示上星期收到一個自稱Ig團隊的私訊：「佢話我其中一個Post違反佢哋平台規則，我都差啲誤信，好在即時sent咗去公司群組問大家意見，佢哋叫我千祈唔好理，如果唔係我都會墮入不法之徒嘅陷阱。」