陳豪曾冇嘢撈欠10萬卡數
藝人黎耀祥與陳豪早前接受林盛斌及伍詠薇主持的邵氏兄弟節目《Tiger's Talk》訪問，談到以前最窮的日子，陳豪自爆曾經欠卡數：「當年做模特兒嘅時候都幾搵到錢，不過有心做演員，但喺影圈唔太吃香，開始冇嘢撈，試過一年都冇工開，完全冇收入，惟有卡數冚卡數，差不多有成十萬卡數，但我唔會問屋企人拎錢。」
至於講到藝人「萬歲」誰最疏爽，伍詠薇稱拍檔過的演員中以羅嘉良最闊綽，而祥仔則說：「有位女演員唔係成日返嚟拍劇，有一日外景放午飯，佢搵咗間名牌酒樓，要補幾千蚊出嚟食，但佢都冇詐型！（咁大方開名啦！）佢咪就係袁詠儀囉！仲有當年張衞健喺舊電視城最興放低幾千蚊喺度，直接扣數唔使次次畀錢埋單，好有型！」