黎紀君轉口味鍾意大男人
有「甜心女神」之稱的黎紀君（Christy）將會接受「繽FUN主播室」挑戰，在新一集節目客串做主播，最愛唱Cover歌拍片放上網開心Share的她，對住鏡頭毫不怯場，不過當日就畀一句「滑翔降傘隊」考起，由頭到尾報道得好暢順的她，卻連番三、四次都噏錯，激得她紮紮跳，最終順利完成後，她才鬆一口氣。
年紀輕輕的Christy是烘焙店的老闆，她跟主播斯菲分享親手整蛋糕的樂趣，雖然都好怕肥，但經常會試食：「我真係好少節食，因為我比較鍾意食嘢。」對於愛吃甜點的女生，她提供管理身形的方法：「我會打Boxing同踩單車，尤其是Boxing瘦身瘦得好快，因為全身肌肉都用到，呢個減肥辦法幾好。」她又建議女士們夜晚少吃澱粉質，如果有點肚餓，可以吃多幾條菜頂肚。單身的她談到擇偶條件，隨着年紀她的口味都有變，自爆幾鍾意大男人，想知點解？記得今晚準時8時收睇「繽FUN主播室」啦！