「啤啤」平時成日笑騎騎，其實私下嘅佢同螢幕上截然不同！之前佢發生咗一單負面新聞，搞到滿城風雨，記者喺公開活動見到佢，梗係問番呢單新聞啦！
佢一開始仲好有禮貌，有問有答，有講有笑，點知一問到嗰單新聞，佢即刻收起笑容，成個人起晒弶，面燶燶乜都唔答，之後仲秒速話做完訪問就一支箭閃走，留低成班記者你眼望我眼。之後「啤啤」好似特登避開咁，全程冇再理過班記者喇！其實出得活動，點都要面對(口架)啦，使乜咁大反應，難怪工作人員都話佢出名小器兼易嬲！
