溫家偉甩拖 約「新女」撐枱腳

早前有個混血兒索女友Sofia的溫家偉，昨日被讀者爆料指他跟一名女子在新加坡食肆撐枱腳，疑似是新歡！溫家偉接受電話訪問時否認對方是女友，但坦言跟Sofia已分手：「個女仔係我好朋友，佢係當地人，一齊食嘢啫！佢坐我隔籬係因為疫情關係，餐廳唔畀面對面坐，我依家冇拍拖！」又稱現時在新加坡拍劇，已經是第四套：「之前拍咗兩日，後來因為疫情而停咗兩個幾月，前日先再開工。雖然我唔喺香港，但我會繼續拍片放上網，同香港粉絲保持聯絡。」