開騷前被嘲肉鬆 陳奕迅嬲咗老婆
「歌神」陳奕迅（Eason）為受新冠肺炎疫情影響的業內人士籌款，昨日分別舉行戶外「日出」及室內「黃昏」場的網上慈善音樂會，兩場合共近1小時，獻唱了12首歌。下半場移師紅館，他亦成為在疫情下首位於紅館「開騷」的歌手，先於後台的露天位置做足防疫措施下進行拜神儀式，而後台及正台均有消毒噴霧機設備。
Eason取消去年12月的25場跨年個唱後再踏紅館，雖沒有靚舞台又零觀眾，但在保持距離的眾樂手陪伴下，依然心情極好，表現更超水準，只是偶有忘記歌詞，唱至近尾聲時感謝所有為音樂會付出心血及汗水朋友：「做人咁辛苦都係為咗玩，我好希望大家唔好忘記要抱住『玩』呢個心態去做多啲、識多啲、講多啲有益嘅嘢。」接受訪問時，他表示疫情期間要做司機、執衫、補牆、換燈膽等，亦愛上做運動，自爆再開騷壓力大到發太太脾氣：「着波褲喺廳，太太話我啲肉好鬆，我即刻嬲咗，但第二日都有同佢道歉。」
