蔚雨芯疫市月賺過百萬
藝人蔚雨芯創立的美容品牌前晚舉行周年晚宴，她穿Deep V長裙亮相。疫情重挫各行各業，她卻指生意不蝕反賺：「大家多咗留喺屋企，多咗網購，我哋唔計成本都Keep到過百萬一個月。（疫市加人工？）希望加，員工好盡心盡力。」
同場有傳遭無綫雪藏的林秀怡，她預告有份主持的節目《我要做業主》將於7月底播出：「我未完約，仲有4、5年約，大家都以為我走咗。」談到最近成功上車置業，她稱全靠「男友幹」：「人哋靠父幹，我就靠男朋友，佢畀首期之後一齊供，一年後收樓就會同居。（結婚？）原本想30歲前，但依家押後到35歲前，儲到錢就結。」