黃翠如昨日到電視城拍攝無綫新劇《七公主》，她透露好姊妹唐詩詠將演出集藝術、慈善、宗教元素的小型騷，屆時她會到場支持。翠如又稱與詩詠均忙於拍劇，就算在隔籬廠都很少見：「因為我Keep住廠景，佢又要開打戲，仲受埋傷，整親下巴同個嘴。（有冇探佢？）睇咗幾次，見到佢個嘴甩焦。」
問到老公蕭正楠近況？她笑言對方只顧煲劇：「由瞓醒就開始煲，煲到天光為止。（有冇煲你套《那些我愛過的人》？）有，同埋一啲外國劇集。」
