馬貫東得番幾蚊窮10年見曙光

現年33歲的馬貫東入行14年，繼處境劇《愛．回家》的「十仔」與「秦博士」跑出後，在劇集《那些我愛過的人》中「升呢」擔任「男二」，飾演患亞氏保加症的醫生「古希晨」再有突破，被大讚演技出色。他坦言角色是代表作，守候這麼多年不無感觸：「入行都好多辛酸，呢個亦係香港演員常遇到嘅情況，香港生活逼人，做演員係困難，要多謝屋企冇畀壓力，唔介意我未見到曙光嘅時間，呢十幾年真係好漫長。」

愛演戲不求攞獎

馬貫東最初給自己10年時間在圈中闖蕩，惜事業停滯不前，當準備放棄之際，卻柳暗花明，他說：「喺第10年啱啱就係《鐵馬戰車》嘅『揚名』出街，之後就有『十仔』嘅出現，喺放棄邊緣掹番我入嚟，唔係應該轉咗行去做攝影、健身教練，慶幸遇到呢個轉捩點。」他指入行初期因底薪不多，試過銀行存款跌到單位數字，要靠屋企人幫助，直到拍攝處境劇收入才變得穩定。問到可希望憑「古希晨」攞獎？他說：「如果諗就有壓力，唔想畀自己太大壓力。唔會執着攞獎，一直堅持係因為鍾意做戲。」

與女友感情穩定

馬貫東近期可謂事業愛情兩得意，承認蜜運中，他說：「女友係圈外人唔想講太多，我哋拍拖冇耐，都幾穩定。」馬貫東又指去到他現在的年紀自然有成家立室的諗法，也視女友為結婚對象，不過仍需時間一步一步了解。