張寶兒怕唔夠班獲惠英紅鼓勵

張寶兒難得接演重頭角色，難免有壓力，幸得惠英紅隔空鼓勵。

張寶兒、莊思敏、傅嘉莉、孫慧雪、李君妍等，昨日到電視城出席節目《姊妹淘》拜神儀式，講到有指寶兒取代李佳芯拍攝新劇《兒科醫生》（前名：兒童醫院），她說：「其實3個月前已接咗呢個角色，一直都做緊準備，取唔取代我就唔知，不過佢好有經驗，我都唔可以同佢相提並論，但感恩有呢個機會，自己拍劇機會唔多，多謝公司對我有信心畀呢個角色我。」

與羅仲謙多對手戲

寶兒坦言擔心力有不逮，剛巧男友袁偉豪正與惠英紅拍劇，故開心獲得前輩隔空鼓勵：「紅姐鼓勵我，話個個演繹方法都唔同，要相信自己演得最好。（乘機叫對方教路？）唔敢。（咁會唔會搵男友教路？）如果有唔明都會請教佢，但唔只佢，都會問監製、導演同同劇演員。」她又謂劇中飾演麻醉科醫生，與羅仲謙多對手戲，笑言之前讀過生物科，背台詞應該沒問題。

《姊妹淘》眾主持出席拜神儀式，迎接節目升呢到翡翠台。

面對後生女加盟，孫慧雪笑言好大壓力，被幕後同事要求減肥。

「後生女」大軍壓境

講到節目由J2「升呢」到翡翠台播出，同場的李君妍笑言：「仲以為腰斬咗就冇得做！節目可以訓練到主持技巧，因為我講嘢唔叻。」孫慧雪就笑言自己在節目內負責教整甜品：「拍一日要整5個，教之前一晚仲瞓唔着，好大壓力，同埋我整完又要食番，好難減到肥。」講到有指一班《#後生仔傾吓偈》的「後生女」會加盟節目，兩人坦言「後生女」會來做model示範，笑言自己與她們相差10歲。