向來身材瘦削的韓國女歌手宣美，自爆被網民批評「瘦得好核突」而感到受傷害，去年靠做運動及調整飲食，成功增肥近17磅，獲粉絲大讚靚咗又健康咗，卻因上圍比之前豐滿而被質疑隆胸！
前日推出新歌的她上節目，表示最近在社交網分享性感照，被海外粉絲指「裝假狗」！她委屈地說：「我又唔可以照X光畀大家睇，其實我個胸根本唔係好大，只係可能我身材太瘦而令大家懷疑，但我真係冇做過隆胸手術！」