余香凝減磅回勇恨拍拖
藝人余香凝早前於社交網晒腿，卻被部分網民揶揄，結果「女神有火」立誓減磅。將於7月5日度過27歲生日的她近日展開「生日飯局周」，前晚上載多張靚人靚景照，只見她面尖尖兼手臂纖幼，短時間內已回復最佳狀態！
談到生日，余香凝說：「以前同啲朋友慶祝，大家乜嘢都唔講究，依家可能人大咗，揀衫、扮靚，仲會去啲比較高級嘅地方，最驚喜係當晚首次收到同性送嘅花束，原來開心程度不下於送花者係異性。（有乜生日願望？）開心同健康，疫情快啲過，人人有工開。」她坦言已準備好投入新戀情，不過苦無合適對象：「都有男生約我食生日飯，但都係《地產仔》啲拍檔，熟到冇Feel啦。」