何雁詩拍MV「被虐」幾粒鐘

歌手何雁詩日前為新歌《絕望時請點播》拍MV，造型性感的她，疑真空着外套上陣，她笑說：「有冇打底大家估吓！嗰日確係幾危險，要化妝、髮型師幫手遮住，下次搵全女班拍攝穩陣啲。」今個MV是她拍過最辛苦的一次，她說：「行去拍攝場地要30分鐘，嗰日真係好熱，有啲路行唔到要跳，有工作人員唔小心踩落水添，但佢哋都冇投訴。不過個MV滿足晒我所有願望，有靚衫着，又拍得靚。」
何雁詩拍MV時，搵同事幫手遮春光。
何雁詩拍MV時，搵同事幫手遮春光。

晚上她移師拍廠景，有冷氣但絕不舒服：「仲要畀人摑，摑我嗰個係導演張子丰，佢笑住話想宣洩好耐喎！」淋足幾個鐘的她搞到成身油：「耳仔同口都有，最慘係頭髮，拍完啲油乾晒，要洗幾次！」

何雁詩被喪淋油，洗頭都要洗幾次。
  • 何雁詩被喪淋油，洗頭都要洗幾次。