張可頤為「人仔」 願冒險北上開工

藝人張可頤昨日身穿花花裙、微露纖腰現身淺水灣，為ViuTV新劇《暖男爸爸》開工，激讚編劇創新，劇中有不同支線富新鮮感。疫情下不少工作叫停，問她現時可有內地工作重新接洽？她說：「依家都真係好難講！我哋呢套劇4月底開拍，戰戰兢兢度過咗疫情最嚴峻嘅時期，但如果真係有工開都唔排除返內地，就要預時間隔離。」
張可頤讚新劇創新，對收視則抱平常心。
張可頤讚新劇創新，對收視則抱平常心。

同劇的文凱玲透露拍畢便開始籌備婚禮，笑言早知時間倉促：「希望今年內搞掂，屋企人想擺，簡單啲囉！我哋兩個好懶冇點理到，最後真係可能註咗冊先，之後再補擺。（驚婚禮受疫情影響？）香港比其他地方情況好，街上都見人冇戴口罩，都有啲危險。（去邊度蜜月？）呢樣就真係未諗，哈哈！」

文凱玲連搞結婚都懶，笑言可能註咗冊先。
  • 文凱玲連搞結婚都懶，笑言可能註咗冊先。