胡定欣續約諗清楚：個心定咗！

胡定欣連續8年做代言人，荷包進帳不少。

胡定欣昨日為保健產品「維特健靈」拍廣告，透露已連續任該品牌代言人8年，每次續約酬勞遞增之餘，朋友家人也有免費產品使用，齊齊受惠。今次定欣與9個月大的嬰兒做對手戲，笑言仍能應付：「最近做咗姑媽，細佬BB四個月大，都試過幫手餵夜奶(口架)！」

• 話晒有過湊B經驗，與BB做對手戲都應付自如。

與無綫保持關係

談到年尾將參與新劇《白色強人2》，再度與舊愛馬國明合作，定欣表示二人上次合作已是3年前，故甚為期待，對於馬國明與湯洛雯拍拖，他大讚二人郎才女貌。

說到她是否落實續約無綫，定欣依然守口如瓶：「依家都傾到尾聲，有明確方向，等適當時候再公布。（覺得娘家好啲？）始終無綫嘅平台係畀到機會，所以都會保持一個關係。（市道唔好唔敢外闖？）每個階段都有唔同想法，睇大環境，諗清楚之後嘅方向，之前大家仲緊張過我，不過我都觀察咗好耐，係時候決定。（唔簽古天樂？）我有新決定，清晰嘅，個心定咗！」