張寶兒莊思敏 《姊妹淘》升級出絕技
張寶兒和莊思敏日前為「升級版」《姊妹淘》首日開工，擔任主持的兩人上輯負責介紹產品，今次則改為分享用家體驗，並發揮所長，寶兒教觀眾Set頭、化妝和配襯服飾，莊思敏則帶觀眾覓食。
寶兒向來有研究化妝及造型，屢敗屢試，代表作是台慶紅地氈這個「花旦戰場」，她說：「出台慶嘅化妝都係自己搞掂，至於平日出街造型，更加係一腳踢。（有冇試過失手？）當然經過多次調整啦！（可以做造型師？）我都想呀，有人請就最好！（幫男友囉！）佢又好有主見喎，因為每個人嘅造型都係表達緊自己！」
台灣老公人肉速遞
至於莊思敏則以最擅長的KOL身份，介紹美容產品和高檔餐廳，她笑說：「扮靚、食嘢我都在行，但運動就少啲研究！」新婚的她受疫情影響要與台灣老公分隔兩地，她指老公最近忍不住，要飛來香港與她「團聚」：「雖然係隔離，但老公就快放疫監。同朋友少見咗，但大家溝通冇疏離。」