湯怡新作開畫票房破百萬

由陳家樂與湯怡（Kathy）等主演的英皇電影《死因無可疑》昨日正式開畫，連同之前優先場收入，開畫首天累積票房火速勁破百萬大關。戲中Kathy與家樂首度合演情侶，女方獻出從影以來最大突破，上演一幕大膽床上戲，她笑言：「其實尺度唔算好誇張，只不過我一向少拍親熱戲，好在對手係家樂，我唔會顧忌太多，但因為太熟，家樂埋位前唔止冇刷牙，仲唔記得剃鬚，偏偏佢嘅鬚根好密，令到我好唔舒服！」Kathy坦言沒有特別在意尺度問題，對導演袁劍偉也絕對信任，未來是否有更突破演出，要視乎劇本、導演及對手。