黃宗澤咀張曦雯硬食鼻涕

型男黃宗澤（Bosco）於邵氏劇《飛虎之雷霆極戰》與張曦雯經常甜蜜談情，更不乏咀戲，他笑言身邊不少男士很羨慕，但女方於一場爆喊戲中真情流露，令他慘食鼻涕，回想多次亦覺惡心！幸好出來效果淒美，非常值得。提到他拍攝期間被遊艇撞傷腳，他坦言當時休息12日便坐輪椅開工，是從影以來最苦一次，很感激各位兄弟姊妹「跪拜」拍攝，遷就他坐在輪椅上的高度。
黃宗澤笑言每次想起與張曦雯激咀，都覺惡心。
黃宗澤笑言每次想起與張曦雯激咀，都覺惡心。

預咗餐廳蝕錢

Bosco笑言早前避疫，留家休息4個月增磅不少。又指其投資的餐廳，於過去一年蝕了7位數：「預咗今年盤數蝕足1年！」問到可有招呼內地緋聞女友張沙沙到其家打邊爐？他笑言：「梗係冇啦！唔係真，我只係約過行山朋友返屋企打邊爐。（阿媽冇催婚？）我啲親戚叫我結婚生B畀阿媽玩，阿媽即刻話咪搞！雖然我40歲，但順其自然啦，阿媽冇畀壓力我，我就更加冇壓力。」

黃宗澤沒有結婚壓力。
  • 黃宗澤沒有結婚壓力。