龔嘉欣殺得性起被撳胸30次
視帝黎耀祥與龔嘉欣於新劇同演殺手，當中有場嘉欣被祥仔撳胸戲份，二人不諱言同感尷尬，嘉欣就連胸部也Feel到祥仔的手指。而同場的視后李佳芯被吳業坤以「芯姐」作介紹，令其不懂反應，場面搞笑。
黎耀祥、陳豪、李佳芯（Ali）、高海寧、龔嘉欣、江嘉敏等昨日為無綫新劇《殺手》宣傳，高海寧騷腰露腿，與嘉欣Deep V登場同樣性感。期間擔任司儀的吳業坤稱呼Ali做「芯姐」，Ali竟東張西望來不及反應，引來同場演員笑聲不斷。
擒祥仔更尷尬
劇中有幕祥仔撳着嘉欣胸部的戲份，嘉欣笑指該場戲NG了30次之多，由最初尷尬到後來適應，而首次拍攝該類戲份的祥仔，亦坦言感尷尬。問到是否「冇料到」？他哈哈笑表示：「唔好咁講，都有啲嘅，其實開頭諗過借位，但監製話會見到，嘉欣又好好冇扭擰，咁電視上有咁嘅設計係有刺激作用嘅。」
嘉欣坦言拍攝該場戲時，與祥仔毫不熟落，而上身僅穿Bra Top，直情感受到對方的手指：「當時熱辣辣，大家成身汗。不過點都唔及有場我成個人擒喺祥仔上面嘅戲尷尬，佢除晒衫，我仲要係主動，所以寧願畀人撳胸，做被動。」
Ali唔慣做「芯姐」
至於Ali對被稱為「芯姐」笑不攏嘴：「我唔識畀反應，真係以為謝雪心嚟咗，呢啲嘢唔可以亂應 。（咁叫你視后呢？ ）好彩都叫做攞咗獎，識得應嘅，呢樣嘢係實在嘅，係未聽慣啫。」身旁的陳豪亦跟住叫「芯姐」，令Ali哭笑不得：「我承蒙吳業坤嘅厚愛。」