荷里活著名女星雲露娜維達（Winona Ryder）近日接受訪問時舊事重提，自爆與同志男友人Kevin Aucoin曾被男星米路吉遜（Mel Gibson）當眾侮辱！
雲露娜說：「當時我同一名好友喺一個好多人嘅派對上，大家喺度傾偈，食住雪茄嘅米路吉遜就向我同性戀嘅朋友講：『等陣，我會唔會被傳染愛滋病？』之後提及猶太人，佢就講：『你係唔係當時避開過焚化爐嘅人（Oven Dodger，即侮辱猶太人的稱呼）？』」雲露娜指事後對方有就言論向她道歉，擁有猶太人血統的她亦提到自己時常被種族歧視。
消息傳出後，原本為動畫《咪走雞2》（Chicken Run 2）配音及監製的米路被電影公司飛起，冇得撈。而米路透過聲明回應雲露娜的指控：「百分百失實！佢十幾年前同傳媒已講過同樣大話，佢依家亦講緊大話。」並否認曾向雲露娜道歉。查實今次已非米路首次被指侮辱猶太人，早於2006年他醉駕被捕時亦侮辱一名在場的猶太裔警員。