黃智雯練空中瑜伽戒篤手機
黃智雯向來舞技出色，練得筋骨柔軟，玩瑜伽絕對難不到她，早前她自我挑戰，走去上空中瑜伽課程，大呼過癮，她說：「其實以前玩瑜伽玩咗一段好長時間，之後又玩番，跟住又試玩空中瑜伽，結果愛上咗。」
智雯笑指起初玩瑜伽全因健康及Keep Fit，及後從中發現可以減壓，並趁冥想時段放鬆自己：「拍《降魔的2.0》時多數都係夜班，就用日頭時間做運動，希望放下壓力。空中瑜伽初學者主要係幫助伸展，因為我平時成日篤手機，做空中瑜伽可以幫到拉長條頸同打開膊頭，好想慢慢戒走撳手機嘅壞習慣。透過上堂一個鐘，可以完全冇雜念咁去享受呢個運動。」