李彩華「分居」三個月造人太難
藝人李彩華、高鈞賢、王君馨、蔣麗萍等前晚在將軍澳電視城為《流行經典50年》擔任嘉賓，李彩華以短褲上陣，笑謂最頭痛是前日野餐美腿被蚊咬，要靠化妝遮掩。
去年宣布已婚的李彩華因疫情令喜宴一直延期，她笑說：「出年都結婚兩周年，同自己交代所以都想擺酒。（同滿月一齊擺酒？）我老公梗係想，但係唔會畀佢得逞，唔會大住個肚擺酒，分開兩次擺酒好玩啲嘛。不過，我哋都三個月冇見，都未有BB啦。」原來李彩華老公身處深圳，兩公婆三月起已分隔兩地，平時靠視像聯絡。
2014年離開無綫到內地發展的高鈞賢，重返娘家見到一班舊同事最開心，講到當年離開無綫時感到不被重用？他說：「當年離開TVB我仲好後生，其實喺TVB學咗好多嘢，今次返嚟完全冇怨氣。」