歌手李樂詩（Joyce）被租客投訴，對方租住她位於深井東村一個村屋單位，沖涼時被牆身的兩塊剝落瓷磚擊中受傷，斥Joyce未有解決問題，並遲遲未有維修。Joyce對此說：「我會包個租客住酒店直到整好為止，佢嘅租金亦會相對扣番。其實發生件事翌日，我即刻搵人去睇，我唔係唔理，係冇得即刻做，你都要先望咗，再搵師傅買嘢整好佢。佢已經同意晒全部嘢，件事算係好快解決咗，我盡量搞好佢啦！」
