畀首期冧老竇 馮盈盈揀千萬新居
去年底搬離舊愛巢獨居的馮盈盈，昨日與家人參觀逾千萬元的新樓盤，有意置業跟家人同住。她受訪時坦言只要住得舒服，願為家人出錢出力，但仍未入票，一切交由爸爸決定。
前港姐馮盈盈去年底驚爆跟拍拖4年的醫生男友分手，其後將愛巢以低市價放租，自己則以約兩萬元租住深水埗單位，但家人擔心她獨居不能自理，一直想一家人同住，有個照應。昨日父親節，盈盈被發現與家人及親友現身紅磡售樓處，參觀長實集團旗下將軍澳新樓盤的示範單位。
最少買三房單位
昨日中午時分，一身便服的盈盈現身售樓處附近，戴上口罩仍引來不少注目，有小朋友更上前要求合照。盈盈跟4、5名親友排隊，而其父母則較早到，等了約半小時才能入場。參觀單位期間，盈盈與經紀密密斟，又細心打量及研究，見她較鍾情三、四房的大單位，入場價分別為一千一百多萬及一千八百多萬，他們參觀了半個多小時才離開，然後拉隊食飯慶祝佳節。
事後本報致電盈盈，她自言做孝順女陪家人睇樓：「因為屋企人有興趣置業。（當父親節禮物？）冇話係咪當禮物嘅，只要我負擔到，無論夾份畀首期或幫手供樓，我都會為屋企出一分力，總之聽爸爸安排，只要一家人住得開心舒服就可以。（落實咗買未？）未入票，要再考慮一下，交畀爸爸決定啦！不過太多人喇！如果入票，我都驚超額太多抽唔中，抽到嘅話至少買三房，而且地理位置都方便我返工，我揀樓都係工作為先。」