林雅詩掟煲唔想掟蓋

藝人林雅詩（Grace）昨日出席父親節活動，早前其經理人兼男友馬天樂偷嗒女助手做人父，問到兩人現時的關係，她坦言不太想再提對方：「至於個小三，依家發現佢喺工作方面嘅安排同處理都唔係咁好，希望佢唔好再呃人。（呢位女助手仲喺你公司？）我唔係好清楚，唔係好理，依家希望做好自己。」至於工作上會否跟馬天樂劃清界線？Grace指要時間去處理：「要睇吓份經理人約幾時到期。（約滿後唔會再合作？）撇開佢同嗰位女士，馬天樂喺工作上係OK，所以要考慮。」