藝人金剛近日為ViuTV節目《晚吹－有酒今晚吹》擔任嘉賓，被指情史豐富的他，兩杯落肚即自爆曾被前度「派帽」：「當初嚟香港做嘢，同台灣女友分隔異地，我趁工作空檔返台灣畀驚喜佢，點知返到去發現客廳有個大隻仔坐喺度，之後問女友，佢反而問我有冇同佢個朋友打招呼！」
節目中談到本地藝人的酒量，金剛即爆料指吳卓羲和林峯好飲得：「佢哋飲威士忌係每人一支，好似我飲梳打水咁！」
