羅仲謙搶住換片：再臭都好享受

羅仲謙與楊怡的愛女「小珍珠」出世2個多月，今個父親節對謙仔來說可謂別具意義。談到與囡囡的相處點滴，他坦言有所虧欠：「佢出世開始，我就忙拍劇！佢開始認人，BB身體反應最誠實，近日我返屋企想抱吓佢，佢望住我幾秒就喊晒！」話雖如此，他放工後即使再累，仍落手落腳負責餵奶及換片，「寵女狂」的他更自爆：「即使再污糟、啲便便再臭，我都完全唔覺得有問題，仲好享受，有時老婆會呷醋，話我淨係緊張個女。」

聽囡囡喊　痛如失戀

「小珍珠」可謂集齊父母優點，擁有大眼睛及長長睫毛，驟眼看似足「Q版謙仔」，且已開始「發聲」表達自己的心情，謙仔說：「最心痛係有次帶佢去打預防針，一拮落去佢就狂喊，聽到已經好心痛。」談到對寶貝女的期望，他坦言：「為人父母都好簡單，只想佢健康同快樂，其他嘢真係唔重要。」

今年父親節因為要開工，謙仔選擇今天休息日，提早在家舉行大食會，與囡囡歡度「第一個父親節」：「會叫埋我爸爸，幾個屋企人簡簡單單慶祝。其實有時間陪囡囡玩吓，我已經覺得心滿意足喇！」由於新冠肺炎疫情關係，羅家月前未有為「小珍珠」慶祝滿月，近日疫情緩和，謙仔與阿怡有意為愛女舉行百日宴，屆時讓寶貝「登場」，正式與一眾長輩親友打招呼。

乖女旺父　衝擊視帝

據悉，「小珍珠」相當「旺父」，謙仔於疫情影響下仍劇接劇。當完成《陀槍師姐2020》拍攝後，他稍作休息便再投入另一新劇《兒童醫院》（暫名），與鍾嘉欣、鄭嘉穎等「鬥戲」，而《陀》劇更是今年台慶重頭劇，換句話說謙仔衝擊視帝的機會大大提高。