丘梓謙有特殊癖好 細細個偷米玩

藝人丘梓謙（Ivan）去年憑劇集《十二傳說》彈起，童星出身的他自小已拍下不少劇集，包括《人間蒸發》與《一屋兩家三姓人》等而為人熟悉。BB時期的他面圓圓、脹卜卜，非常討人歡喜，入行前已甚有演戲天分，他說：「我細個讀幼稚園，最鍾意食完茶點，就拎隻碟嚟做軚盤扮揸車，搞到成日畀老師捉，好似捉違例揸車咁。同埋我喺屋企會偷偷哋玩米，扮去沙灘玩泥沙，係一個幾特殊嘅癖好。」講到做童星時的趣事，他自爆昔日與黃智賢、苗僑偉拍戲時，曾誤將「玩飛機」講成「打飛機」，現時回想起來也哭笑不得。