日本有好多少女偶像組合，如AKB48、HKT48、乃木坂46等，成員多達數十個，同時亦有由三五個美少女組成嘅小型團體。最近喺寫真界平地一聲雷嘅安藤咲櫻，就係出身於一個相當特別嘅五人組合喇！
日本藝能界有好多由美少女組成嘅團體，成員除咗青春貌美，身段更相當誘人，所以佢哋進軍寫真界自然大受歡迎，好似乃木坂46嘅白石麻衣、前AKB48成員平嶋夏海等，至於今日介紹畀大家認識嘅青春小美人安藤咲櫻，雖然佢唔係出身於大型又知名嘅少女組合，但係論吸引力絕對唔會輸蝕。
安藤咲櫻年方19歲，夠晒卜卜脆，唔單止樣子甜美清新，笑起上嚟仲予人一種如沐春風嘅感覺，令人精神一振！當然佢最惹人注目嘅係一副嫩白胴體，以及一對分量十足又充滿彈性嘅D Cup美乳啦，故被封為童顏巨乳系新任掌門，相信冇人會反對。
咲櫻喺2013年亦即係佢12歲時出道，以美少女組合「TSURI×BIT」成員身份四出登台。講起呢個組合都幾得意，因為佢哋主打釣魚愛好者市場，同時藉住釣魚宣揚愛護大自然嘅訊息，而咲櫻更係擔任隊長。喺呢段日子，咲櫻都有以客串形式拍攝水着寫真，上年仲獲《週刊少年Jump》選為「SS ELEVEN」其中一員，可見當時咲櫻已經被高度重視。
不過組合喺上年宣告解散，而咲櫻亦暫停工作休息咗一段日子，好彩小休咗8個月後，咲櫻再次露面，並且正式進軍寫真界，於6月26日會推出首張個人寫真碟《サクラサク！》，好多傳媒都表示密切期待，咁大家到時記住支持一下喇！
安藤咲櫻近期除咗忙於拍攝性感寫真，亦有參與不同Cosplay活動，大家可以從其社交網睇到佢最近有咩新造型！
網址：https://twitter.com/sakura_ando_323
年齡：19歲
身高：5呎1吋
三圍：32D-23-33
撰文：賢