劉香萍開拍延續篇 邀周潤發郭富城參演

劉香萍身兼出品人、監製及執導的電影《一棵心中的許願樹》，今年有份報名參加奧斯卡，她十分高興，昨日在銅鑼灣舉行電影分享會。劉香萍表示已計劃開拍延續篇，邀請張達明做編劇，還有意邀請周潤發及郭富城參演，問到是否已聯絡二人？她說：「發媽啱啱離開咗，等佢平復心情先。（城城呢？）我已經搵小美傾咗。」

周潤發胞姊周聰玲亦有出席，她與媽咪亦有份客串此戲，不過二月離世的發媽未能看到自己的遺作，她指發媽的骨灰已帶返南丫島，問到周潤發心情是否已平復？她說：「佢不嬲都平復，但難過一定有，所以要識得放下，媽媽都活到99歲，算係一種福氣。」問到會否幫手找周潤發演出延續篇？她說：「我唔會，佢有經理人，又有顧問，個團隊好大，咁多貴人幫佢，我都唔會接觸佢嘅工作。」