大肚吳若希奔跑接波牙煙！
周柏豪與袁偉豪主持的無綫節目《兩個小生去Camping》前晚播出最後一集，請得戴祖儀、謝東閔、姚子羚及吳若希（Jinny）擔任嘉賓，已懷有身孕的Jinny明顯肚凸凸，但仍參與走來走去的數字波遊戲，見她又舉高手又雙手接波，令人感覺牙煙。
昨日她受訪時稱，當時眾人不知她已有孕，但自有分寸不會拍得太攰：「我自己睇住自己，同埋周柏豪一向都好照顧人，加埋一班幕後都好貼心，對於我嚟講唔係好辛苦。」問到玩波時可擔心有肢體碰撞？她說：「唔驚呀！雖然老公冇陪住我，但安排咗助手跟住我。」她亦在社交網多謝柏豪的邀請：「如果唔係周柏豪，我諗我呢世都唔會去camping。」