湯鎮宗夫婦畀未來女婿100分
馬國明與湯洛雯（靚湯）拍拖兩個月，已達見雙方家長地步。靚湯父親湯鎮宗對未來女婿讚不絕口：「多謝大家對佢哋嘅祝福，我都祝福佢哋，對馬國明印象好好，佢對任何人都好有禮貌、好踏實，不過唯一唔好係太低調，有實力係唔需要太低調，呢個只係講笑啫！」
至於湯太亦對馬國明有讚冇彈：「佢同喺電視一樣咁斯文有禮。（畀幾多分？）100分，希望之後佢會超越滿分。」又指與馬國明食過一次飯，笑他見家長時「驚驚哋」﹕「希望下次可以試到佢嘅手勢，因為囡囡唔識煮嘢食。（馬國明話自己年紀唔細，似心急結婚。）我覺得佢呢個年紀係時候結婚，希望佢哋開花結果。我知道佢哋傾咗一段時間電話，有一定基礎，確認咗先見家長，我都係最近先知佢哋拍拖。我好放心將個女交畀佢，相信個女嘅選擇。」