樂壇創作新人王林家謙推出首張個人專輯，並與音樂平台合作，在網上供樂迷收聽。他透露今次出碟大部分是自資，但沒太大回本壓力：「隻碟成本唔低，但第一隻碟，點都要做好佢，值得使嘅就使！」幸好新碟推出幾日已售罄，為他打下強心針。
提到由幕後創作一躍成為歌手，他自覺幸運，但當中亦遇到打擊：「可能大家會覺得我唱歌唔係好得，但我好似被虐狂，鍾意睇人哋鬧我，可能100個有99個人讚我，但我都要睇嗰一個批評，然後耿耿於懷，不過我依家會自嘲埋一份，睇化咗！」
