藝人江美儀與廚師蕭秀香（三姐）主持新節目《女人必學100道菜》，昨日在將軍澳電視城進行拜神，《流行都市》一班主持包括安德尊與章志文等撐場。被問到可會煮飯？江美儀笑說：「原本諗住公司畀埋菜單，點知係要自己諗25個餸，於是問咗啲廚師朋友，然後搵鄰居、助手試食，都好大壓力。」
江美儀又透露每月有一半時間茹素，習慣維持了四年：「係自己選擇去食素，如果要做嘢都會食肉，食素後腸胃、皮膚都好咗，同埋有跑山做運動，今朝先同發哥（周潤發）跑完，佢仲貼埋錢請食飯，真係好榮幸！」
