歌手鄧小巧昨日到電台宣傳新歌《與人同行》，指歌曲在加拿大避疫期間創作，靈感源自2018年與歌迷的電話訊息互動：「估唔到好多人都係寫千字文講人生大議題，好似家暴、學校欺凌，對我衝擊都好大！因為我都唔係社工，都有啲吃不消，只能夠做聆聽者。」認為遇到難關，不應該覺得只有自己一個面對，可以找人傾訴：「都會覺得點解人生有咁多不幸，生活喺香港好似好富裕，但係心靈就好貧困。」
